المســــار الصحيح لمستقبل افضل!
اكتشف شغفك

الطريق لتعلّم البرمجة بقى مليان طرق سريعة ونتايج فورية، لكن الحقيقة إن السهولة دي غالبًا بتقف قدّامك أول ما المشروع يكبر أو تدخل عالم الشغل الحقيقي. كتابة كود يطلع نتيجة مش هي التحدي، التحدي الحقيقي إنك تبني تطبيق قوي، آمن، وقابل للتطوير. البوت كامب ده معمول مخصوص للي حابب يبدأ صح، ويفهم تطوير تطبيقات الويب من جذوره، مش مجرد استخدام أدوات أو تقليد أكواد. خلال الرحلة هتتعرّف على أساسيات الـ Front-End، وتفهم إزاي الـ Back-End بيشتغل، وتتعامل مع قواعد البيانات بشكل عملي، وكمان هتاخد نظرة مهمة على مبادئ الـ Security اللي أي مطوّر محترف لازم يكون واعي بيها. البرنامج مش مجرد كورس تعليمي، لكنه تجربة متكاملة بتقربك من طريقة تفكير المطورين في سوق العمل، وبتعرّفك إزاي السوفت وير بيتبني خطوة بخطوة، من أول الفكرة لحد ما يتحوّل لمنتج حقيقي، ضمن رحلة كاملة في الـ SDLC (Software Development Life Cycle).

الكلام عن السيبر سيكيورتي وأمن المعلومات بقى كتير جدًا، واللي صح فيه قليل. علشان كده، لو ناوي تدخل المجال، أو حتى بدأت خطوة وعاوز تشوف الصورة كاملة، لازم تقف لحظة وتبني الأساس الصح من الأول. أول خطوة حقيقية مش كورس ولا أدوات… أول خطوة إنك تفهم الفرق بين Cyber Security و Information Security، لأنهم مش نفس الحاجة، وكل واحد ليه دور وتأثير مختلف. بعدها لازم توسّع نظرتك وتعرف إن المجال مش مقتصر على فكرة الاختراق وبس. آمن المعلومات مش “هاكر بيخترق سيستم” وخلاص، ده عالم أكبر بكتير، ليه أبعاد تقنية وإدارية وتنظيمية، وبيأثر على شركات ومؤسسات ودول كاملة. وهنا يبدأ السؤال المهم: أنت شايف نفسك فين؟ مع فريق الهجوم Red Team؟ ولا فريق الدفاع والحماية Blue Team؟ ولا يمكن طريقك في إدارة وحوكمة أمن المعلومات؟ في ورشة العمل دي، هنمشي مع بعض خطوة بخطوة ونغوص في مفاهيم أساسية ومهمة: • هنتكلم عن الدفاع والحماية • وندخل على الهجوم والتفكير الهجومي • وكمان جزء مهم جدًا خاص بـ إدارة أمن المعلومات داخل أي مؤسسة من خلال فهم GRC: الحوكمة، إدارة المخاطر، والامتثال لمعايير أمن المعلومات. الورشة دي نقطة بداية حقيقية هدفها انك تخرج عارف كل حاجة تساعدك في تحديد مجالك وسط مجالات كتير داخل آمن المعلومات، البداية الصح من هنا.